2006 / Orde van Verdiensten Martien Reijnders

Martien is op 6 oktoeëber in Geijsteren gebore. In 1935 is hìj nor Aostrum verhuusd. Hij is getrouwd met Nelly, het twieë daochters, Agnes en Anita, en een zoon, Ron. de ien-middels gepensionieërde Martien is begònne as buschauffeur beej Van Ham (stadsdienst). In 1969 mákte hìj de aoverstap as chauffeur nor de Boerenboond ien Aostrum. Via de Boerenboond ien Maersele kwaam hìj uutaendelek teraecht beej Landbouwbelang ien Wanssum waor h1ij gewaerkt het tot zien pensioen.

Ieën van de grötste hobby's van Martien is bowling. Al 27 jaor is hìj waekeleks te viende op de bowlingbaan. Martien is iemes den op veule fronte actief is gewist binne de Aostrumse gemaenscháp en dat nog steeds is. Martien mákt al mieër dan 15 jaor dieël uut van de schoeffelploeg van de kaerk die de plantsoene um de kaerk en op ut kerkhof "Trans Cedron" beejhâlde. Mesiek is ok en groeëte hobby van martien. Zoë is hìj dit jaor al 25 jaor vaandeldrager van hermeneej "Sub Matris Tutela".   Ok beej de helaas òpgeheve Eikenhofkapel was hìj ca. 22 jaor actief beej ut assistieëren van het geluid en bij alle ândere vurkòmmende waerkzaamheden. Vur de hermeneej halt Martien al ruum 20 joar waekeleks âld papier op beej bedrieve en winkels ien de regio. As ut göt um bemanning beej de entree beej welke activiteit dan ok doede noeëts tevergaefs en beroep op um. Martien kòmmde tege beej de muntverkoeëp ien gemaenschápshuus D'n Oesterham, beej de  voetbalclub waor hìj beej de thuuswedstrijde van ut 1e elftal te viende is ien ut entreehökske vur ut heffe van de entreegelden, de entreeheffing en/of muntverkoeëp beej (jubileum)fieëste van de hermeneej en de entreeheffing beej carnavalsactiviteite. Verder is Martien al mieër dan 25 jaor lid van de plátselijke carnavalsvereniging. Hìj is al 18 jaor as bühnemaester beej de zittingsaovende betrokke en sinds enkele jaore ok taxichauffeur van de Raod van Elluf vur de òptocht ien Rooj. Bute Aostrum is Martien al ruum 15 jaor actief beej de jaorlekse fietsvierdaagse waor hìj iengezet wört beej alle vurkòmmende waerkzaamheje.

Martien is de typische vreejwilliger den veul waerk verzet már ok gaer op de aachtergroond blieft. Már dit jaor zal hìj op de vurgroond staon beej de uutreiking van de Orde van Verdienste. De Aostrumse gemaenscháp duut noeëts tevergaefs en beroep op Martien as ie ut már op tied wet. Dorrum het hìj dees 1onderschejjing ok mieër as verdiend.

Martien van harte gefilicitieërd!