|
Zaterdag, 12 November 2016, 15:00
Uitkomen nieuwe vorst - D'n Oesterham
Aanvang: 15:00
Op zaoterdágmiddag 12 november organisiēre de Karklingels én middagmatinee waorien de bekendmaking van òzze neeje Vorst centraal zal staon. Op dit moment wört d’r hard gewerkt um de laeste puntjes op de spraekwoordeleke i te zette um d’r bieësteg moije middag van te make. Enne middag waorien ge kunt gón geniete van mesiek en enne hoeëp kwats, van aete en van drinke. Enne middag waorien òw kennis van òs verieëneging getest göt wörre en enne middag mit én optreeje van enne onvervalste vastelaovesmeens:
Frans Pollux!
Weej hebbe gekoze vur én middagprogramma umdat òzze neeje Vorst saoves al acte de presence mugt gaeve op ut (beslote) Vorsteraodsbal ien Wânssum. Ut programma ien d’n Oesterham zal um 15.00 uur beginne, waornao roond 17.00 uur de neeje Vorst bekend zal zien. Roond de klok van 19.00 uur löpt ut programma op zien aend. Már as geej genne zin het um dan al nor huus te gaon, hoeft dat netuurlek ok nie. D’n ientree van dizzen middag is gâns en gehieël vur niks. Zoeëas al geschreeve kunde dizzen middag ok geniete van lekker aete. Van én lekker waerm buffet um preciēs te zien. En wilde gaer bliēve aete, iets wat weej hieël schón zun viende, dan mòtte òw wel efkes opgaeve! De koste vur dit buffet zien 8,50 euro p.p.
Opgaeve kan mit én smsje, appje of mailtje nor ieën van onderstònde nummers:
Via de website: Klik Hier
Ozze neeje Vorst ???: 06-30356694
Ozze âlde Vorst Rob: 06-25207046
Of mit én mailtje nor: Dit e-mailadres wordt beveiligd tegen spambots. JavaScript dient ingeschakeld te zijn om het te bekijken.
Gaer huure weej vur móndág 7 november of geej gebruuk wilt make van ut buffet.
Ut matinee roondum ut uutkomme van ozze neeje Vorst is toegankelek vanaf 15 jaor.
Netuurlek hope weej òllie op 12 november allemól ien d’n Oesterham te meuge begroete um òzze neeje Vorst enne vliegende start te gaeve! En vergaet dus nie um òw efkes op te gaeve vur ut buffet.
Gaer tot 12 november!